SURAT TU INANG NI SI BUTET SIAN KODE TUAK

SURAT TU INANG NI SI BUTET SIAN KODE TUAK

Inang ni butet palambas rohami,
Anju ma au boadi simagoon naung bagianmi.
Inang ni butet,nang pe masuk tuahon,bukka pittu i.
dang lupa au dirupami,

Inang ni butet jaha jo surathon..
Diharotas hugurathon nadirohaon.

Molo borngin pe au sahat dijabu..
Ala nahuingot dope pardijabu.

Dang tenggen do pe au inang..
Dang mabuk au hasian..
Dang mirdong dope au tondikku..
Nga sahit i di au anggi.

Songoni majo isi ni surathon hasian.
Dang boi godang husurat ai suhul do dison.
Tiang nijabu ni parlapoon pe dang tigor be.

Horas mau naminum tuak.
Hipas maho napaimahon au.

...Lihat Selengkapnya.

ENDE HASOLOMANKI

ENDE HASOLOMANKI

Saroha do hita diihot holongta
Habengeton ima golang pangarahutna
Sadalanan tu dolok tu toruan ima gondangna.
Sarihon ma au sahat tu sarimatua

ende hasoromanki ima baen mangaju au.
Taringot ma au muse tu si na uju haposon.
Endekki do huendehon lao
manakko roha ni siboru.

Sada endekki alai dang lupa au disi
gabe turi-turian ma i muse tu pahompu
gabe sipanuturi mai di hita.

...Lihat Selengkapnya.

DUNG MULAK AU SIAN PANGARANTOAN

DUNG MULAK AU SIAN RANTO

Mulak majo au satongkin mandulo huta hatubuan,
Asa hupapuas jo sihol nasailaon
Dung martaon-taon hutadingkon hutangkon..

Di parik di hutai dainang i manomu-nomu harorokki
Akka dakdanak sude marlas ni roha manomu lakkakki..

Sudena ndang adong nahutanda
akka pangisi ni hutai
soganda holan damang dainang dohot akka namatua.

Tangis dainang dihaol mamatangki,
''Anakkon tahee...nungnga masihol au amang...!''
ima andungnai..

Salakka dua lakka
Sahatma balatuk ni jabuntai..

Tarjolma au inang..
Madekdek do atekku,
Nungnga hape tonu sahat tu halang ulu i,
Molo jumpang tiris-tiris ni langit
Nungnga hape matua au mamak pe sotarganti.

Amang bagianki,,
Inang porsuknai..

Martaon ma au di huta naribur i
Hulupahon sude hutakki..
Martaon-taon ma diparjangan i
Lupa au dibaen heppi-heppi..
Martaon-taon ma au diranto i
So huingot be dibaen tabo ni kafe-kafe i
Lupa au tu dainang holan mambalanjoi sirimbur rara i.

Jora ma au inang..
Tangiang mi gogoi asa dilean tikki padengganhon..
Tangiang ma inang baen..
Asa jolma naimbaru au muse.

...Lihat Selengkapnya.

HASIAN DIJOU HO AU

HASIAN DIJOU HO AU

Hasian,, ido hatam manjou au
Lambok do hatami mangarigati roha
Masihol au,
Ninmu dihusipmi paganda nadiroha.

Marribu bintang dilangit i
Dada huapiani hinaulina
Marsurak pe rongguri, dada huhabiari
Marsalpuan dang huboto dibaen sihol niroha

...Lihat Selengkapnya.

SIDOLI PANGARANTO

SIDOLI PANGARANTO

Doli,,
'Nungnga martahuak manuk,
Hobasi,,
Unang sampe diturbing manuk.

Poda i,
Haringgason do dalan ni pasu-pasu
Alai angka parmalas i,
Tonga borngin doi diorongi asu

Nunut
Songon namambau amak
Rundut,
Ido sipatureon ni damang.

...Lihat Selengkapnya.

DI HABENGETONMI DO HOLONGKU

DI HABENGETONMI DO HOLONGKU

Dang godang hata naboi hatahononku
Songon pujangga manang penyair namalo papuas lungun
Manang songon parrude-rude namalo manuturi lagu
Alai tikki mangugut sira i hita, lam bagasma holongku.

Benget do ho paihut-ihut parngoluonku
Gadong pe tugo,tung so hea do ho muruk
Lungunku ima turpukmu
Habengetonmu ima holongku.

Hadameon i, ido arta naumbalga di au
Holongmi, disi ma maringanan rohakku
Nasa hata naunlambok sian pusu-pusu
Hudok tu ho, holong hian do rohangku.

...Lihat Selengkapnya.

GOLOM RIA-RIA

GOLOM RIA-RIA

Sadia lelengnai pargaulantaon
molo sai bada do tapukka
sadia ganjang nai dalanon
molo rohami tu au golom ria-ria

umbulusanma palua
tumagonan ma gotaphon
tumagon ma tapasae padan
molo so adong be hadengganon

Unang baen hancit niroha
unang baen roha mabugang
unang baen gabe sipikkiran
unang baen au tarsosak

Golom ma gomos
molo adong roha nadimpos
lean ma tu au holong natambos
unang ma ho sai lomos

Pikkiri ma nanget-nanget
hupaima pe benget
molo gotap nama hape
hujalo namai nanget-nanget.

...Lihat Selengkapnya.

SALAMAT ULANG TAON

SALAMAT ULANG TAON

Ari nungnga marsalpuan didalani
minggu pe mamolus ton-tong diramoti
bulan marganti, lam ganjang ma dalani
sataon nungnga salpu lam tamba ma umurmi

Martamba ma pasu-pasu nauli,
dao ma angka sahit sian pamatangmi
jumpangmu ma napinarsintami,
ido tangiangnami

Las do rohanami,
nangpe so boi hita jumpang bohi,
badanta padao-dao alai masinggogoman ma tondi.
salamat ulang tahun ma di ho,ima hata nauli sian hami.

...Lihat Selengkapnya.

RAMOTI MA ROHANGHI

RAMOTI MA ROHANGHI

Molo nungnga ho nampunasa rohaon
ramoti ma unang mago
loas ma mangerbang disi holong
handangi ma dohot roha halambason

Tona ni sidoli naparjolo
andorang so bagas dope pardonganon
so tung marisuang holong nahudabuon
Ito naulibasa..baen maen pangkirimon

Hulean pe holongkon
dada naso mararga di au
hupillit pe nagabe dongan
dada naso godang na jonok tu au.

...Lihat Selengkapnya.

TULUS DO ROHANGHI PAIMAHON

TULUS DO ROHANGHI PAIMAHON

Piga hali au mordong-ordong
sai huida ho ndang adong
didia hulaning ho monggop
bereng au dison malonglong

Pingkiranhu tarhatotong
nga sae bei ndang boi hutorushon
ai aha nasalah,umbaen songonon manontong
alai husangahon do paimahon

Songon dakdanak auon
napaimahon pangintubuna sian onan
ombus-ombus dohot tipang nanaeng ro
tulus do roha asa diboto ho

Nga sae bei,olat nion.
nungnga magodangon
molo sinauju i au huhajugulhon do
tikki sidoli sijapang-japang au on

Sonari au nungnga tobok
Sidoli marroha nalambok
alai sonari roha natio
nungnga malitok

Olat ni on,
sae ma dison
unang sanga bagas rohaon,
sarupa do hape ndang adong boi pilliton.

...Lihat Selengkapnya.

TANGIANGHON AU HASIAN

TANGIANGHON AU HASIAN

Hasianhu naung jumolo marhamulian
Unang be sai ingot janji nang padanta
Sian ias ni rohanghu tulus tangiang
Sai gabe ma ho naung jumolo marhamulian

Tangiang mi ma baen mangubati roha
Anggiat jumolo dapot na gabe rokkap
Apus ilumi, baen ma au sonang
Unang baen au mardokdok ni roha.

Nang pe tarilu au, las do rohaon
Ima tumpakhi sian hatuluson
Ndang adong natarpatupa au lehonon
Tangianghi ma manggabe tu mula jadi nabolon

Sai horas ma ho ito naung jumolo marrokkap
Sai tibu ma au mangihut nian
Unang sai lalap au diparlalapan
Horas,,sai gabe maho hasian.

...Lihat Selengkapnya.

LOAS AU JONOK TU LAMBUNGMI

LOAS AU JONOK TU LAMBUNGMI

Huboto do naung malala rohami
Hubereng do panetek ni ilu sian simalolongmi
Huida do nadao engkel sian pardompakanmi
Hudok hasabarhon ma nungnga bagianmi

Loas ma au jonok tu lambungmi
Asa huubati rohami
Dohot hata nalambok nang angka puisi
Angka poda pasombu lungun nanaeng sileanonki

Manggolap pe langit i
Paboahon haroro ni udan do i
Sude angka basa-basa do i
Udan dohot las niari ima panopa nauli.

...Lihat Selengkapnya.

MATANIARI TORANGI ROHAON

MATANIARI TORANGI ROHAON
Baen ma hatiuronmi palashon pamatangon
Asa huhilala holongmi manondangi rohaon
Songoni ma manian holong ni akka jolmaon
Tontong marsinondang mangalean hadameon.

Torang ma sude idaon ni simalolong
Ndang adong be insak-insak dohot pargabuson
Alai sude hata angka hata sian roha manetek dohot hatuluson
Au dohot ho soada be bada, soada nabuni sian simalolong.

Haholongi ma au songon mataniari i mardongan hatorangon
Binsan rap dope hita dibagasan holong
Lean ma di au roha hatuluson
Paima ro tingki mambaen pamatangta padao-dao
Alana ngolukkon parsahalian do,
alai porsea ma ho tung naso jadi munggil anggo rohangkon.

...Lihat Selengkapnya.

HOLONGMI GABE LUNGUNHU

HOLONGMI GABE LUNGUNHU

Sude puisi holong dohot angka hata-hata poda
Ndang adong na boi dope mangubati roha
Angka umpasa pangapulion nungnga marrarak
Alai ndang adong dope pamagohon arsak

Boasa dohononmu holong roham..
Boasa lao ho ndung rohangki uli marbunga-bunga
..
Rohangkon nuaeng, malala
Tu dia maho luluan..

Gondang sabangunan pe dada boi pamalum roha
Ai holongmi do nahuparbaga hian
Gok arta pe au dada marlapatan
Ai ngoluon marlapatan molo rap hita

Mengkel do au dinapatar
Hutangisi do halilumi gombarmi hutatap
Marumpak do hape padan
Ala ni alogo sian habissaran.

Holongmi naung denggan pangunsandean
Lungunhu ma i nuaeng, gabe sipata pandelean
Ompung mula jadi nabolon pahiangma bornok niroha
Ale Amang namarhagogo on lean ma hagogoon i di au mangalakka.

...Lihat Selengkapnya.

SIROKKAP NI TONDI

SIROKKAP NI TONDI

Sorang au tu portibion sada do dainang pangintubu i,
Alai padua damang parsinuan ma napagodang-godang au uju i.
Sonari nungnga magodang au gabe doli-doli,
Hujalahi do songon burju ni dainang pangintubu i
Husigati do ganup luat naung hudalani.

Ndang jumpang au dope nanidokna sirokkap nitondi,
Hubukka do nian pintu ni rohakku tu akka siboruadi,
Alai tung sada pe ndang adong naboi manganju siboadi.
Didia do bintang panondangi..
Sondangi ma rohangkon ale bintang sigaraniapi

Rokkap ni tondi
Boasa ho tung holip
Ale tondikku, jou ma rokkapmi..
Unang sai lungunan au dinabuni.

Sada do padan di rohakki
Ikkon sada do sirokkap ni tondikki
Jala imana ma haholonganku sahat ro di ujung ningolukki
Ido pangidoanki

Molo naso sorang dope siboruadi i
Pintor humatop ma nian sorang siboruadi i
Molo napadao-dao do hami,
Tibu ma nian pajumpang ima tangiangki.

...Lihat Selengkapnya.

DI HABENGETONMI DO HOLONGKU

DI HABENGETONMI DO HOLONGKU

Dang godang hata naboi hatahononku
Songon pujangga manang penyair namalo papuas lungun
Manang songon parrude-rude namalo manuturi lagu
Alai tikki mangugut sira i hita, lam bagasma holongku.

Benget do ho paihut-ihut parngoluonku
Gadong pe tugo,tung so hea do ho muruk
Lungunku ima turpukmu
Habengetonmu ima holongku.

Hadameon i, ido arta naumbalga di au
Holongmi, disi ma maringanan rohakku
Nasa hata naunlambok sian pusu-pusu
Hudok tu ho, holong hian do rohangku.

...Lihat Selengkapnya.

NGOLU PARSATONGKINAN

NGOLU PARSATONGKINAN

Sadarion susah parngoluon i.
Alai ingot ma,satongkin doi
Marganti do sogot ari-ari i
Bengethon ma mangula dohot tangiangi.

Sonang pe ngolumi
Satongkin doi,
Hamauliatehon ma basa-basa i
Paima adong dope tikki i.

Sude parsatongkinan doi
Tonggi.
Bernit.
Uli.
Jogi.
Holan bunga-bunga ni ngoluon doi
Malos do muse molo nungnga ro tikkina.

...Lihat Selengkapnya.

NAPINAGODANG-GODANG NI GADONG

NAPINAGODANG-GODANG NI GADONG
Aek las dohot gulamo ima di huta
Sambal tuk-tuk dohot bulung silalat dibalian
Borhat sian huta mardongan tangiang
Diranto lupa tu gadong soditanda be rimbang

Kumpul kebo mansai tabo
Mago adat, lupa dinalungun
Nadipagodang ni gadong
Hamamagoi so diboto be nadenggan.

Ah, lagu lamanamai
Siboru pe songoni
Sidoli pe so tarampini
Alai nangpe songoni
Taingot ma nadenggan i.

...Lihat Selengkapnya.

PADANI SONGON ORBUK NAMAI

PADANI SONGON ORBUK NAMAI 

Naung tapudun ias sian roha
Naporsuk dohot lungun sadalan do hita
Alai i ma suratan ni tangan
Ndang rokkap,dada pola solsolan.

Huapus pusu-pusu
Hulului pangapulion
Padantai orbuknamai di au
Ia tu si alogo mangullus,songoni ma rohami pulut.

Saribu sihol
Sajuta holong
Padan baen tarngolngol
Tikki pe marsalpuan bolong.

...Lihat Selengkapnya.

LELENG HITA NDANG PAJUMPANG

LELENG HITA NDANG PAJUMPANG

Ari marsalpuan hudalani
Soada ho huida, baen siholhu marsigorgor
Hudalani do inganan parmeamani
alai halilum nama namabaen tarhohom.

Sipata tarilu
Sipata holsoan
Sasahali hujouhon goarmi
Atik, jonok do ho hulaning dipudingki

Ngaleleng ndang huida
Leleng buni sian simalolong
Sugari pe sahali huida
Ndang songonon rohaon malolong.

Tu udan diborngini hualuhon ponjot ni roha
Mataniari manogot i mangapuli au natarsihol
Angka bintang paboahon sinondangmi diroha,
Molo tung pe so boi hita jumpang, ro maho dinipi petaho.

...Lihat Selengkapnya.